موقع ومنتديات قبيلة العصمة الشاملة YOU COULD PUT BANNER/TEXT/HTML HERE, OR JUST REMOVE ME, I AM IN header.htm TEMPLATE

جديد المقالات
جديد الجوال
جديد الفيديو




المتواجدون الآن


تغذيات RSS

08-25-2008 03:25 AM

هبت ذعاذيع القصايد من شمال ومـن يميـن=وجتني فرايدها تعرض لي وانا شفـق  لهـا 
وقام يتزاحم في ضميري كل ممـدوحٍ ثميـن=واندار فكري عقب ماضلى ماهـو صافنلهـا
مشغلته هموم الحياة ومرهقه جـور السنيـن=اللي ترصـد لـه وبالعـزم الشديـد يذلهـا
عاداتنا نرقـى سنـود ولانحـوّل حادريـن=واللي نبي ناصلها مهمـا حصـل ناصلهـا
ندحم ظروف ايامنا بالصبر والجنب المتيـن=وعزومنا مثل السيوف الحـدب يـوم نسلهـا
لو ان هم قلوبنا اكبر مـن طويـق بمرتيـن=اليا دعتنا النـادره بالعـرف نشفـي غلهـا
وبنت الهواجيس اعتزتبي واعتزيت بعزوتين=لاروى الضوامي من قراح الجم ثـم اعلهـا
وانصح بها اللي مايميز فى الهزيل من السمين=يلـم مـن زود الغشامـه دقهـا مـع جلهـا
تـاع وتلحقنـي خطيـه مايطالبنـي بديـن=ولاني زبون لعثـرة السانـه بعـد مازلهـا
ياهيه ياللي قمت تنهش في لحـوم الغافليـن=شخّص مرض نفسك وعطران الشوارب خلها
الذم ماعمره ينقّـص مـن فعـول الطيبيـن=والمدح مايرفع رخـوم النـاس لـو طبلهـا
شيءٍ تطولـه باللسـان ولاتطولـه باليديـن=تقصر يمينك عنه لو نفـس الخنـا سولهـا
لاتنجرف وتزل ويطبل لـك بليـس اللعيـن=طعني توثق في رسن نفسك ولاتمهـل لهـا
ترى العرب تصبر ولن لدو لك الخافي يبيـن=وتشد في ظهـرك حمـولٍ مانتـه بكفولهـا
هذا وانا ماني بخصـمٍ للضعيـف وللدويـن=والساقطه ينزل لها غيري وانا مانـزل لهـا
ما خاصم الا صيرمينٍ قرم راسـه مايليـن=يفتل وانا انقض مافتل واليـا فتلـت يحلهـا
واليا ضربته ضربتٍ وحده يرد بضربتيـن=وارد لـه باربـع ويدبلهـا وازيـد ادبلهـا
وبعض العرب لو زعلوني ياعساهم سالميـن=اعـز نفسـي عـن منازلهـم ولاحولـهـا
واقول ياربي علـى الدنيـا ومافيهـا تعيـن=وتحفظ رجالٍ عاشت انصاف الرجال بظلهـا

تعليقات 0 | إهداء 0 | زيارات 474



خدمات المحتوى


الشاعر ضاوي العصيمي
تقييم
1.04/10 (82 صوت)


Powered by Dimofinf cms Version 3.0.0
Copyright© Dimensions Of Information Inc.

جميع الحقوق محفوظة لموقع ومنتديات قبيلة العصمة الشاملة